G?YL YN DYCHWELYD I BEN LL?N

Gwyl Pentre Coll (Lost Village Festival), Felin Uchaf, Rhoshirwaun 3pm-9pm - Saturday 27 June 2009

G?YL YN DYCHWELYD I BEN LL?N

Yn dilyn llwyddiant G?yl Pentre Coll y llynedd, mae'r trefnwyr yn falch o allu datgan y bydd yr ?yl yn dychwelyd i Felin Uchaf, Rhoshirwaun am yr eildro. Unwaith eto, bydd yr ?yl yn rhoi cyfle i bobl o bob oed fwynhau cerddoriaeth gyfoes yn awyrgylch awyr agored unigryw t? crwn Oes Haearn y ganolfan.

Mae'r digwyddiad eisoes yn magu enw da ac yn hawlio'i le ar y calendr adloniant am yr haf. Y llynedd mynychodd dros 150 o bobl yr ?yl a phrofwyd bod diwrnod gwych i'w gael yn ardal os cewch gyfuniad o adloniant difyr, prisiau rhesymol a lleoliad godidog.

Mae arlwy gerddorol drawiadol wedi cael ei threfnu gan y ddau drefnydd, Dilwyn Llwyd a Gethin Evans, y ddau yn ffigurau amlwg yn y sin cerddorol Cymreig. O'r cawr Tecwyn Ifan i'r ffefrynnau lleol Bob Delyn a Steve Eaves ac o Aron Elias i Mr Huw, bydd rhywbeth i bawb yn yr ardal, a dylai'r digwyddiad ddenu torf o rannau eraill o Gymru hefyd.

Meddai Dilwyn Llwyd: "Pan aethon ni ati i drefnu'r ?yl y llynedd roedd gen i deimlad ym mêr fy esgyrn bod 'na alw am ddigwyddiad amgen fel G?yl Pentre' Coll yn ystod y dydd, lle nad oes unrhyw wahaniaethu o safbwynt oedran na chwaeth gerddorol. Mi ge's i wefr enfawr o weld cymaint o bobl yn dod draw'r llynedd, yn aros drwy'r pnawn ac yn ymlacio yn yr awyrgylch braf. Roedd hwn o ddifri yn un o uchafbwyntiau haf 2008 i fi a dwi'n edrych 'mlaen yn arw i gael ailadrodd y llwyddiant eto eleni."

Meddai Gethin Evans, ail hanner y tîm: "Mae'r t? crwn yn Felin Uchaf yn lleoliad arbennig ac yn hollol wych ar bnawn o haf. Mae 'na hen ddigon o ddigwyddiadau gyda'r nos yn cael eu cynnal yn yr ardal ar gyfer mathau penodol o gynulleidfa, felly 'rydan ni isio rhoi cyfle i deuluoedd a phobl o bob oed gael clywed rhywfaint o'r dalent gerddorol wych sydd gennym ni yng Nghymru ar hyn o bryd. Rydan ni'n gobeithio'n fawr y bydd pobl yn gwneud diwrnod ohoni."

Aeth Dilwyn ymlaen i egluro: "Rydan ni jyst eisiau i bobl gael pnawn grêt - a rhesymol ei bris - ac rydan ni'n hollol hyderus mai dyna gaiff pawb. Mi fydd y gerddoriaeth a'r lleoliad yn ffantastig ac felly mi edrychwn ymlaen at groesawu pawb draw i ?yl Pentre' Coll eto eleni."

G?yl Pentre Coll, Felin Uchaf Rhoshirwaun, 3pm-9pm - Sadwrn 27 o Fehefin 2009